她的365天

她的第365天，其實跟364天差不多；她的第364天，其實跟363天差不多；... ... BB就是如此有趣，她的每一天，跟前一天差不多，但就是Keep住轉變。你不會想到她那一天會識講嘢，那一天會轉身，那一天會識坐，識企，那一天會走出她的第一步等等！

多得現時的科技，可以影相，錄影，仲有可以用YouTube，Blog等同大家分享同作記錄，隨時隨地，只要有可上網的電腦都可以睇到。記得起初幫晴晴寫Blog時，目的都係想所有親朋戚友不用舟車勞頓，都可以時時看到小女孩的成長歷程。看到大家的回應，不論是網上的留言，還是電話，都令到我欲罷不能，同時也令我感到很安慰，有咁多人關心我哋呢粒小豆丁！所以不管有幾忙，有幾夜，就算出差，都不忘去Update!多謝晒！

一年下來的相片同影片，真的不計其數，大大話話有成十幾GB的電腦容量。唯一憾事，就係錯手刪除了兩個月的相片，好在有Blog同各方好友，不致於渣都冇得剩！

呢段日子，我哋都好Enjoy，多得各方好友，好同事，特別係家人的支持！當然唔少得老婆大人，佢用咗好多心機時間，裝扮到一個人見人愛的小BB。仲不持勞苦，不時捱更抵夜去氹BB，充份表現母愛的偉大！

係晴晴1歲的日子，會係一個新的開始，我哋一家人會努力啦！

Emily at 2008年2月10日下午2:56 comment

見到你地一家三口快快樂樂，好感動呢﹗