適應

從每天黐住我哋等上車，到現在一見到同學就說過不停；從前上車要找到我們揮手，現在在車上就只會找朋友仔。

她，適應了。

我們呢？見到她忙碌地找同學玩，難免有點酸溜溜吧~~~~

教授

最近坐飛機，卒之有in-flight娛樂可以自選電影睇(是，過去坐都是平機，睇戲都係冇得揀睇大屏幕)。飛上海短程，但仍夠時間睇張家輝的激戰。

套戲除咗搏擊嗰幾場，睇得你熱血沸騰之外，就是一份師徒之情(咀咀一幕都幾沸騰吓o架)。張家輝本來不是教練，對著這個乜都唔識，兼從未打過拳，但又勇字當頭去報名參加比賽的徒弟，越教越起勁，彷如禰補自暴自棄的過去。

今日接了一個電話，冷不防對方問點可以做好份工。老屎忽仲可以搵餐食啫，點敢話教。况且，做嘢冇話識唔識，好唔好，只係有冇俾個心去做。好比流落異鄉，講聽寫都唔識，只要唔想死，總有辦法學到識。所以要學外語，最好揹背包去外國流浪，聰明的可能幾個禮拜一個月包學好。

當然，要學得有效率，有個好教練的而且確可以事半功信。我呢個朋友都算有慧根 ... ... 哈哈！

高速所帶動的

今次出差上海，要快閃一轉浙江杭州一帶。時間趕，要能做到即日來回，唯有用鐵路。自有高鐵建好之後，把杭州跟上海從以前要2~3個小時的，縮短到最快1個小時。

為免上唔到車，趕唔到飛機返香港，就得托上海的同事預先買票。同事跟我說去程無問题，但回程是軟卧改成的二等座。聽到時也不以爲然。

到乘車當日，雖然要一大早到車站，但由於坐得算舒服，速度又快，倒没有大間题。車廂仍是同廣深線一樣的和諧號。

雖不是高鐵，但仍行到200公里

順順利利的去工廠開完會，就準備回程。上文提到是軟卧改成的車，想必是跟年前坐過的軟卧車一樣。趕到車站(到站入閘時已到車在等)，看到的都是和諧號！找到位置，果然是由臥舖改成的臨時位：一廂本來是兩張上下格床，兩張下格床就變成總共六個位。其實效率就不怎麼高，但仍算是舒適的。

車廂內有小電視，雜誌架。稍嫌不足的就係叉電插座全車廂只得一個，仲要係啲陰陰濕濕嘅位，一旦有人霸咗，想用都好難。

左邊位哥哥仔叉緊佢部iPhone  =.=''''

高鐵呢個大Project，雖說係大陸要威威的表現。當中肯定涉及大量的貪污，強搶地等等。不過，有呢個系統，實在是大大地縮短行車時間。方便很多很多的人。試想想每年春節回鄉的人，動不動就要坐幾十個鐘頭回家，仲唔一定係"坐"，可能係要企，甚至要迫，多條鐵路作分流，對他們不多不少都有幫助。

臥舖其實都幾舒適

希望我所認識人，新年都可以順利的回家

你害怕嗎?

近幾個月來，每天在車站等校車時，都不難發現毛蟲。

你看到的反應是什麼？
A: 咦～～；
B: 嘩，核突！；
C: 哎呀，好污糟，唔好掂到我！

小朋友見到會點?

他們是既好奇，又害怕。點解會害怕，主要是因為我們大人。

為了保護他們，我們不奇然會跟他們說出了我們的感受。但同時，又不願扼殺他們的好奇心，往往就會說著：睇吓好啦，唔好掂呀！好核突架，好污糟糟架！驚？唔駛驚 ... ... 不過都係唔好掂到佢。

但當他們聽到，或見到大人的反應時，他們無限的好奇心，即時變成恐惧，任你再說，他們都只會說好驚。不過想深一層，在沒有弄死它的情況下，跟它接觸有何問題？就如學校校長所說，在衛生和安全情況許可下，讓他們的手指多探索，又有何不可呢？

再者，說出以上說話的大人們，是否從來都沒掂過毛蟲呢？

靜靜雞的細細聲

噚日証實了你的存在，既驚且喜。雖然你不是在我們的計劃內，但迎接新生命，總是讓人歡喜的。很想與人分享，但又不敢太張揚。畢竟人間智慧是寧可信其有。只好隱隱悔悔的暗示。

家姐知道你的來臨，開心得很，也給你留言啦。想知道，你自己問她吧。哥哥也很興奮，亦已擔保會保護你，照顧你和同你玩。全家上下，都很其望與你見面呢！

希望你們三個永遠相親相愛，互相扶持!

愛你的爸爸
2013-11-23

齊名

近日終於按耐不住3叔嘅緩慢更，自行把手機更新，即所謂嘅root機。嚐到了4.3的甜豆後，今日再將部平板Root去4.1.2。係進行當中，居然有驚喜。

就安裝期間，見到電腦個Dropbox 把我的容量增加了48G!  Amazing! !  真的萬萬也想不到。到網上搵吓發生咩事，原來係Dropbox增送給三叔的用家，鼓勵使用。加埋基本的有50G，同其他雲端儲存睇齊。但係明明一直有用，點解現在先送？細看魔鬼細節，有以下一句：

Promotion not available in China, Cuba, Iran, North Korea, Sudan, or Syria.
推廣在中國，古巴，伊朗，朝鮮，蘇丹和敘利亞不適用

原來從外國公司眼中，強國是跟這類國家睇齊。不過這也不是新鮮事，多年來係大陸上唔到Facebook, 睇唔到蘋果，連Google search都唔順，所以Dropbox有此安排又不其怪。

不過，更可恨的是，他們視香港就是中國！唔用其他國家嘅firmware就真係一世都唔知!  可唔可以香港就係香港呀???

Terms of the free space for two-years promotion
For Samsung Android smartphones and tablets that have the Dropbox application pre-loaded with the “out-of-box experience,” the promotion is available to the first user who (a) registers for Dropbox through the “out-of-box experience” and (b) completes Dropbox's "Get Started" guide. The promotion is for a single Dropbox personal plan account to receive, for 2 years, an additional 48 GB of storage space in addition to the storage space Dropbox offers to users with a free account (currently up to 18 GB). Each user is only eligible for one promotion of this type for a single account. When the 2-year promotion period ends, the 48 GB of promotional space added to the user's Dropbox service will be automatically removed. An additional 3 GB of storage space will be added to the account. Use of Dropbox is subject to the Dropbox Terms of Service, Privacy Policy, and other terms available at http://www.dropbox.com/terms. Promotion not available in China, Cuba, Iran, North Korea, Sudan, or Syria.

每日煩一事

舒服的日子係過得特別快，開始又要面對煩人的挑戰。

11月14早上20度，有點清涼。其實都持續了幾日，但當天的風大，早早起來就他游說要換季。從小就已經有很多(無謂)堅持，又例行地強烈的表示不願意。就算讓步只酚他換長褲(因為上身可以加外套嘛)，亦不接受。

最後，只能強攻!  就是敬酒唔飲飲罰酒!

在10分鐘爭鬥後，被迫就范了

再過了3分鐘後，笑逐顏開了

不是想無視他的意思，但太重視就只讓自己煩上加煩

趕趕趕

趕趕趕，啱啱同一間工廠追落貨收咗線，嗰頭收到老婆電話，要我趕番屋企。

因為佢冇帶鎖匙 >_<

等門口的人在無聊玩

趕路的人

重新上路

開Blog大吉

同跑步一樣，都已有一段時間沒寫Blog.　時間是主要因素，自己仍是只管玩，不管做．

是天生的, 沒得改啦  :)

Y-Blog結業在即, 只好另覓地方, 重新上路!!

夕陽醉了

萬丈高樓從地起

浩語錄 之 萬能天父

噚日細佬受傷, 今日到我 ... ... 

浩: 爸爸, 你又話沖完涼同我係個傷口度貼防水膠布嘅?
爸: 呀, 係喎! (即刻去攞膠布)
浩: 爸爸, 你隻手受傷, 痛唔痛呀?
爸: 梗係痛啦~~ 你個傷口咁細都係好痛, 係咪?
浩: (點頭) 係呀。咁～～你貼膠布咪冇事囉！
爸: 我都知, 但係我個傷口咁大, 邊有咁大塊膠布呀?
浩: 你祈禱咪得囉
爸: 乜祈禱就唔痛咩?
浩: 祈求天父俾塊大膠布你咪得囉!

XXX   XXX   XXX   XXX   XXX   XXX   XXX

男兒流血流淚, 我兩父子都做到了。這都是神給我們的考驗 ... ... 吧

晴語錄 之 我要Money

終於要為家裏的兩個小鬼的日常行為而實行賞罰制。某日在討論討相關的制度 …… ……

爸： 每人每天都有10分, 以你們的行為表現來加分或減分。直到晚上睡覺前來做總結, 仍能維持10分的就可以有一張貼紙。
晴： 要貼紙來做咩呢?
爸： 每10個貼紙, 就可以選取一份禮物
晴： 好嘢, 係咩禮物呢?
爸： 係你自己揀的
晴： 嘩! 我一定可以攞到禮物的！！
爸： 我都覺得係, 但係你要做得好先得到貼紙的啊。
晴： 咁要點做呢?
爸： 每天要做的事, 如刷牙, 沖涼, 換校服, 收拾玩具等, 如果會自己做, 可以各加1分；如果要人提醒才做, 就不加不減；但如果提醒都唔肯做, 就要扣一分啦!
晴： 哦 ……
爸： 仲有, 食飯如果可以半小時完成, 都可以加分, 但如果要45分鐘以外, 就要減一分啦
晴： 吓？！
爸： 其實都唔係好難呢, 只要肯人哋叫就即刻做, 你嘅10分應該可以保持到。
晴： (點頭)
爸：咁如果你樣樣都做的話, 就很容易攞到15分, 到時除咗貼紙, 你仲可以得到 ... ..
晴：(搶著說) Money!!!
爸：好啦好啦，就貼紙＋Money啦

XXX   XXX   XXX   XXX   XXX   XXX
結果，佢哋都可以好順利哋得到貼紙，硬幣同獎品。獎品不一定要好豐富，已經同佢哋協議好的小禮物，數十元的有，有時去扭蛋，有時食豐富一點，就當是獎品。

有時到晚上，開始想扭計的時候，我們就會＂善用＂分數 - 當嚇又好，當鼓勵又好，往往就是這一兩分，就會推動佢哋馬上做好。當然，做得好的一天，時不時都會俾佢哋特別獎勵分o架！

第一個10分的獎品, Hello Kitty車仔

簡簡單單的貼紙記錄卡

浩浩第一個獎品都是車仔呢

姐姐的廿貼紙獎 -- 扭蛋鎖匙

姐姐的卅貼紙獎 - 食壽司