浩語錄 之 臨急抱佛腳

嘩~~睇下依家啲幼稚園生，真係勤力到冇朋友！

話說有某個星期一早上，如常地經過兩日假期的洗涤，而唔記得晒每天的程序。從一起身，就不斷叫兩隻小鬼快快快 -- 由起身到刷牙洗面，換校服食早餐，再加埋大人們都要執番啲眼耳口鼻大裝身，稍有錯漏真不足為奇！

到了浩浩要出門口之時，佢突然間話要檢查自己個書包！嘩，有冇咁大整蠱呀？明知同佢拗只會更嘥時間，唯有同佢一齊檢，務求0.1秒可以收工出門口去趕校車。點知亞性格巨星話: 有一本從學校借的圖書未有時間睇，一定要爸爸讀。

頂！(只是心裏的第一個反應，不過及時呑番落肚)然後一個慈父樣，同佢解釋冇時間。總算氹

到硬頸王收埋本書兼著鞋，殊不知好戲在後頭 ... ...

打開門，行咗一步， 然後爆喊 ~~~

我的天呀！！！！

一邊望住裱，一邊用言語安慰，一邊同手拉佢行。這種狼狽法真的難以形容。幸好佢都知醜，入到電梯就收咗聲。不過仍然念佛偈般希望如願以償。最後落到街，在校車仍未到之時，就用幾分鐘講咗數頁，算還咗佢心願(好在字都唔算多)。上車前都歡容番，仲話下次要再借，再講這個未完的故事喎 ... ....

「好呀，我都好想知個結局呀~~~」略帶點浮誇的回應，目的只是掩飾額角的一滴汗。

XXXXXXXXXXXXXXXXXXXXXXX

結果我都冇再見過呢本故事書

故事完了。。。

浩語錄 之 環遊世界

某日於吉野家兩姊弟的對話  ... ....浩：爸爸，吉野家係咪係日本？爸：係呀，佢第一家店係日本，做到越來越有名氣，就來香港開分店囉浩：咁我哋第時都去日本試下先晴：好呀！咁我就用Minnie喼裝我同細細聲嘅嘢，你就用MoMo喼，裝埋媽咪嘅嘢 ，爸爸就用個黑色喼。浩：哎呀，你唔好提MoMo喼啦！晴：點解呀？浩：你一提起佢，我就有啲掛住佢 ... ...晴：唉，咪講咗姑姐借去旅行，用完咪帶返來囉浩：我知，不過我都係好掛住佢嘛。提起我都有少少眼濕濕。晴：個喼可以去好多好多地方喎。不如咁，叫姑姐旅行時影多啲相，同MoMo喼一齊影!浩：但係我都冇得同佢一齊，我就會好掛住佢啦。

XXX   XXX   XXX   XXX   XXX   XXX   XXX   XXX   XXX

猶記得姑姐借走"佢"個MoMo喼嗰晚，他喊+哦足個幾鐘，仲不停咁話掛住，唔捨得。直到我喝令佢+解釋咩叫有借有還，物件要盡其所用，佢先肯收聲瞓覺。

呢隻仔，由細到大，都唔俾我哋郁佢啲嘢。可以話佢硬頸，孤寒，怎至不能接受轉變。但想深一層，他也是一個富感情的小朋友，對人對事都會關心，珍惜！他現在仍有不少破爛的玩具車，用膠紙"維修過"的，在他眼裏也是很不捨的！

細細聲，你知道嗎 - 禮貌

2014年6月27日

細細聲，你知道嗎，今天爸爸去參加家姐學校所舉辦的親子同樂日。同學校的同學仔，玩了幾個集體遊戲。雖然家姐的一組，未有得到獎，但可以大家一齊投入的玩，已經非常開心。

有個很有趣的，就是家姐在玩毛巾運球時，仲同高皓楊頭撞頭，家姐痛到眼水都跑出來呢!  還有，我們在人鏈傳呼拉圈的一項入面，我們的一組是最快，第一名呢!

晚上回到家時吃過飯，家姐和哥哥就玩Lego。玩到後來，家姐不小心把一盤Lego掉到地上，裏面的Lego都散落在地上。爸爸叫她要先收好，但家姐就悔氣的回應一句：我咪執緊囉！細細聲，其實爸爸一點也不介意，但我也有責任教導你們三個成為有禮貌的孩子，所以聽到家姐這樣的回應，我不得不罰她，要她馬上收拾，而且三天都不再可以玩Lego。

你們都要知道，有禮貌的對待人，比共他任何事都重要。就好像晚上電視新聞，播著立法會財委會，審議新界東北前期撥款的會議。裏面的那個主席，就作了一個對人很不尊重的行為，令爸爸媽媽，和很多人都很不開心。因為他在破壞我們現在有的規矩，亦都把香港，一個比較文明的地方，本來值得我們和你們一起生活的地方，破壞得面目全非。你們現在可能仍未明白，這些禮貌和尊重是有何重要，其實這就是分辯好人和壞人的最基本元素。

其實爸爸知道，家姐在說完一刻，已經知道自己有錯。她很不開心，還在床上哭呢。只要你們知錯，和以後都改過來，爸爸媽媽都是很快會願諒你們的。你們都要記住啊！

領袖

最近發生的事，不得不讓我想想什麼是領袖，而領袖又需要什麼。

在他們風風光光之時，表面要表現親民。發表的往往是很要有高瞻遠足的計劃。暗地裏呢？要取盡所能取得的利益，甚至為將來維持自己生活而計劃。畢竟不是時時刻刻都可以咁風光嘛! 一旦不知任何原因被射下馬，都要有後路。

逆境的領袖又要怎樣做呢？肯定是要果斷。對人對事都要手起刀落，絕對不能手軟。要顯示出無比的領導能力，令團隊，國家走出困境。是必須要有英雄氣泊，感染為他衝鋒陷陣的戰士，義無反顧地奮力一戰。他想得到的是什麼？可能就是樓上所說到的風光時劇所帶來的榮華富貴。

有誰會在建功立業之後，全身而退，為他人作嫁？

正所謂一將功成萬骨枯。一個人的成功，絕對是踩著千千萬萬人的鮮血而上的。金正恩如是，奧巴馬又何嘗不是？只是一個是鮮血，令個是人民的血汗錢而已。

蛋糕

我們家人的生日，都是在上半年。每逢2月到5月，都會買好多蛋糕來慶祝。其實在未有他們之前， 都只是求求其其食餐飯當慶祝。所以說穿了，切蛋糕都係讓小朋友開開心心吹蠟燭而已。

細個都沒有什麼切蛋糕的印象。可能只是幼稚園的那幾張相吧。久而久之，蛋糕對我來說，都算是可有可無。這也讓我們教兩隻小鬼，生日會，生日蛋糕，生日禮物都不是必然的。有的話，應當要感謝和高興，沒有的話，也不是什麼天崩地之事。反而，我們更應在生日當天，去多謝父母，特別是媽媽，因為當天，她幾乎是付出她的所有體力，甚至生命。

買蛋糕嘛，以前是用蛋糕盒的。好硬淨，以確保裏面的蛋糕上的忌廉保持原好。及後連鎖餅店用可摺的西餅盒，盒的價錢就平好多，因為是手工少了和減省不少運輸空間。再到後來換上別緻的蛋糕摺盒，把蛋糕的無型價值提高了(又可以賣貴啲)。但明明個蛋糕盒就夠，不過美心唔知係咪入錯貨，用咗啲薄紙做蛋糕盒，又貪方便，連蛋糕帶盒放埋入雪櫃。結果係有蛋糕盒之餘，又入一個大膠袋，費事個盒太淋，半路中途出事。

我好多時，都會同佢哋講唔好入袋。啲職員的反應都好驚訝。入咗個袋，都唔係保証個蛋糕可以安全到家，反正一撞都係咁先。 其實只要一路行都小心翼翼，咪可以慳番個膠袋囉。

一念地獄

留著這篇報導，就是警醒自己，不要成為下一個！

什麼是成就？今天的成績，是否就是將來的成就？

如果李＋X要交呢份功課，佢會點做？　XD

子女種花「功課」 家長買花交功課

花墟良心檔主 斥不老實拒售

「落紅不是無情物，化作春泥更護花」；花開固然美好，但凋謝亦有其價值。

港爸港媽卻不明此道理，連學校盆栽種植計劃也「請槍」，花墟就出現約20元一盆的「功課」，不少家長購作「起死回生」。有檔主以「賣功課」作商機，亦有良心檔主指家長不老實拒售。

有校長指，童話結局亦有不完美，植物枯萎正可教學生檢討不足之處；心理學家批評，家長「買生命」令小朋友無法理解生命長短、成敗是不可控制，長大後欠缺責任感、不懂解決問題。

康文署自2010年起推「一人一花計劃」，推廣綠化、培養學生對種植的興趣及社區的關懷；由學校自由報名參加，康文署提供種子及花苗，學生可在校內或家中栽種，學校可按情況舉行種植比賽或轉送其他團體。

家長熱論 「唔敢想像種唔種到」

今年的主題花是適合在20至27度的環境下生長的新畿內亞鳳仙，惟康文署在9至10月派發種子，計劃剛於上月底完結，正值本港冬季天氣寒冷，要栽種成功有一定難度。不少家長在討論區大呻感壓力，決定買回生命，讓子女栽種「成功」。

家長對栽種計劃隆重其事，社交網站更設立「新畿內亞鳳仙花交流區」，有人坦言，兒子獲派的花苗好細好弱，「唔敢想像種唔種到」，但已設問：「花墟不知係咪好快有苗呢？」

事實上，有買花客近日於旺角花墟就看到有花檔以「買花交功課」作招徠，大歎如今孩子學習變得本末倒置。

十多元一盆 學界：枯萎也是教育

記者到花墟亦發現，只要查詢有關新畿內亞鳳仙花，花檔職員便隨即問：「是否小學生用來交功課那些？」並指早前有家長表明買來交功課而查詢及購買，多數買花苗，亦有購買完成品。花苗每棵約10元，而一盆開有10數朵花的成花約售20多元。

不過，亦有良心花檔不認同此舉而「唔做生意」。有家長在討論區稱：「被花店阿叔話我不老實，死咗要照交回學校，仲叫我走，好無奈！」

有參加計劃的東涌天主教學校校長馮立榮對此感詫異：「活動志在培養恒心、責任感，而且不計分，種不成無問題！」

津貼小學議會主席張勇邦亦指，栽種出問題應向學校反映，才可改善及教育學生：「花苗、栽種方法或品種是否適合均可影響成果。」

事事代勞 子女不懂面對逆境

張又指，全職父母壓力大，往往用子女成敗，衡量自己是否育兒成功，「童話故事亦非完美，應要反映、檢討問題，好過了無痕迹由父母代為完成所有事！」

臨床心理學家趙思雅亦指，活動本身非功課，家長卻視之為滿足功課需要，扭曲原意；植物枯萎應讓小朋友學懂珍惜生命、面對死亡，每每由父母代為「完成」只會令他們不懂面對逆境。趙又指，家長行為等於以金錢買回生命，但「無論植物或動物的生命，都並非有能力就可能控制成敗、長短」，若擔心子女會因而傷心，不妨在開始栽種時，預先灌輸生命知識，「植物亦會死會凋謝！」

撰文:杜潔心、伍嘉雯

浩語錄 之 講笑啫

又到瞓覺時間，但電視仍開著 … …

爸：細佬，要去刷牙瞓覺囉
浩：爸爸，等一陣先啦，我鍾意睇電視
爸：踢波，你鍾意睇咩？不嬲你都唔睇
浩：唔係呀，其實我好鍾意㗎

十分鐘後 … …

爸：趁場波未開始，快啲去刷牙啦
浩：爸爸，我想玩Wii
爸：乜你唔係話鍾意同我哋睇波咩？
浩：我話鍾意睇波，都係講吓笑啫
爸： ... ...

又過十分鐘，球賽已開始了

爸：你都唔睇波，快啲去刷牙啦
浩：我都話咗我鍾意睇波啦
爸：你求先又話睇波係講笑，鍾意玩Wii嘅？
浩：我講笑啫！
爸：咩呀？
浩：我講"講笑"都係講笑啫！

XXX   XXX   XXX   XXX   XXX   XXX   XXX

仔, 其實你啲笑話一啲都唔好笑，只是一大堆借口，歪理，拖拖拖！無奈！

一票難求

 1月15是一年一度“春運”展開的日子。據官方說，整個春運為期40天裏，會有36億人次乘坐各式各樣的交通工具!

一般都會避開這個期間同人迫，但剛好有出差需要，要走廣州一趟。高鐵從深圳到廣州，只需35分鐘。滿以為要10時到，8：30到車站都可以吧？殊不知到站買票的話，最快走到都要10：30!

知道都要這樣等，走長途的更不敢想像。國內同事們要返鄉，都要先到網上搶票。可以預售，但不消3分鐘就售罄。一票難求，有的要候補，等有人退票，要不買黃牛票。還好是網路發達了，不用迫在火車站的售票處。天寒地凍，都幾係嘢!

慶幸自己家在香港，家人朋友也全在一個地方。

準時上車了

未坐滿就開車，其實效率真的不怎樣高

高鐵的300公里高速

意外的做馬

看似一個很矛盾的題目。

做馬，當然是故意的，何來意外呢？若是意外，又如何能做馬成功呢？

人生就是充滿各種矛盾，這就是生活。