浩語錄 之 講笑啫

又到瞓覺時間，但電視仍開著 … …

爸：細佬，要去刷牙瞓覺囉
浩：爸爸，等一陣先啦，我鍾意睇電視
爸：踢波，你鍾意睇咩？不嬲你都唔睇
浩：唔係呀，其實我好鍾意㗎

十分鐘後 … …

爸：趁場波未開始，快啲去刷牙啦
浩：爸爸，我想玩Wii
爸：乜你唔係話鍾意同我哋睇波咩？
浩：我話鍾意睇波，都係講吓笑啫
爸： ... ...

又過十分鐘，球賽已開始了

爸：你都唔睇波，快啲去刷牙啦
浩：我都話咗我鍾意睇波啦
爸：你求先又話睇波係講笑，鍾意玩Wii嘅？
浩：我講笑啫！
爸：咩呀？
浩：我講"講笑"都係講笑啫！

XXX   XXX   XXX   XXX   XXX   XXX   XXX

仔, 其實你啲笑話一啲都唔好笑，只是一大堆借口，歪理，拖拖拖！無奈！